«Қазгидромет» РМК синоптиктері сенбі, 17 тамызға арналған ауа райы болжамын жариялады.
Шығыс Қазақстан облысының солтүстігінде, шығысында, оңтүстігінде найзағай ойнайды. 15-20 м/с. Жылдамдықпен жел соғады, обылстың оңтүстігінде, орталығында төтенше өрт қауіпі сақталады.
Абай облысының шығысында, оңтүстігінде, орталығында найзағай ойнайды. Облыс бойынша жоғары өрт қауіпі сақталады.
Алматыда және Жетісу облысының оңтүстігінде, таулы аудандарында найзағай ойнайды. Солтүстік-шығыстан жел соғады, Алакөл көлдері ауданында екпіні 15-20 м/с. жетеді. Облыстың басым бөлігінде 35-37 градус қатты ыстық сақталады.
Атырау облысында солтүстік-батыстан жел соғады, күндіз облыстың батысында екпіні 15-20 м/с. Мұнда да өрт қаупі бар екені ескертілді.
Ақмола облысында найзағай ойнап, күндіз облыстың батысында, солтүстігінде және оңтүстігінде бұршақ жауады.
Ақтөбе облысының солтүстігінде, батысында найзағай, бұршақ, дауыл болады. Күндіз облыстың солтүстігінде, батысында екпіні 15-20 м/с. жел соғады.
Түркістан облысының солтүстігінде, таулы және тау бөктерлі аудандарында найзағай, солтүстігінде шаңды дауыл күтіледі. Облыстың басым бөлігінде төтенше өрт қауіпі сақталады.
Қостанай облысының батысында, солтүстігінде, шығысында кей уақыттарда қатты жаңбыр, бұршақ, дауыл күтіледі. Облыстың батысында, солтүстігінде, шығысында найзағай күтіледі. Түнде және таңертең облыстың солтүстігінде тұман түседі. Оңтүстік-батыстан жел соғады, күндіз облыстың батысында, шығысында екпіні 15-20 м/с күтіледі.
Солтүстік Қазақстан облысының батысында, солтүстігінде найзағай, күндіз облыстың батысында, солтүстігінде, шығысында найзағай, бұршақ, дауыл күтіледі. Оңтүстік-батыстан жел соғады.
Қызылорда облысының солтүстігінде, орталығында найзағай ойнап, дауыл соғады. Таңертең және күндіз облыстың солтүстігінде, орталығында күші 15-20 м/с жел соғады. Облыстың басым бөлігінде төтенше өрт қауіпі сақталады.
Жамбыл облысының таулы аудандарында найзағай ойнап, жел соғады.
Павлодар облысының солтүстігінде, шығысында, орталығында найзағай ойнайды. Оңтүстік-батыстан жел соғады.