Бүгін футзалдан Қазақстан құрамасы Өзбекстандағы әлем чемпионатының 1/4 финалында Аргентинамен кездеседі.
Қазақстан құрамасы D тобында болып, екінші орынмен плей-оффқа шықты. Бірінші орынмен шыққан Испания Венесуэладан ұтылып, жарысты 1/8 финалда аяқтады.
Екі құрама арасындағы ойында жеңіске жеткен құрама Франция — Парагвай арасындағы ойында ұтқанымен кездеседі. Жартылай финалдағы бұл ойын 3 қазанға жоспарланған.
Аргентинаға қарсы ойынға ұлттық құрама ойыншысы Лео қатыса алады. Ол қызыл қағаз алуына байланысты бір ойынға шеттетілген еді.
Айта кетейік, әлем чемпионатына іріктеу алдында отандастарымыз дәл осы Аргентинамен жолдастық ойын өткізген болатын. Алматыдағы ойында Кака шәкірттері 3:2 есебімен жеңіске жеткен еді.
Ширек финалдағы ойын Ташкент қаласында өтеді. Қазақстандағы уақытпен сағат 20:00-де басталады. Ойынды Qazsport телеарнасы тікелей эфирде көрсетеді.